भारत-नेपाल थैं ज्वड़न वलु पुळ कू मुख्यमंत्री धामी न कायी शिलान्यास

पिथौरागढ़। मुख्यमंत्री पुष्कर सिंह धामीन आज धारचूला मा मल्या छारछुम मा भारत नेपाल क बीच मा काली नदी पर 32 करोड 98 लाख 40 हजार रूप्यौंळ बण्णु 110 मीटर डबल लेन मोटर पुळा कु शिलान्यास कायी। ऐ मौका फर उन्न बोलि यु पुळ बौत जरूरी पुळ च। ऐ पुळ क बणणा से भारत-नेपाल के बीच आणु-जाणु बौत आसान ह्वै जालु। उन्न बोलि यु पुळ एक सालक भितर बणि क त्यार ह्वै जालु।

मुख्यमंत्री न पीडब्लूडी के अफसरू थैं बोलि पुळ बणौंण मा गुणवत्ता कु खास ख्याल रखें ज्यां। मुख्यमंत्री न बोलि मिथैं पुळ कु शिलान्यास करणा मा बौत खुसी हूंणि च। उन्न बोलि मि काळी नदी क छाल मा खेलिक बडु हूंयू छौ। ईं नदी पर बणण वळु पुळा कु सुरुात म्यारा हत्थळ हुंणि च। उन्न बोलि ए पुळक बणाण से भारत अर नेपाल क बीच रिस्ता औरि पक्कु ह्वाळा।

मुख्यमंत्री न बोलि जौकु आपदा नुकसान ह्वै नुकसान क सरकार हर तरौं से मदत कारली। हमरि सरकार जनता क मदत खूंणि प्रदेस क रैवासियों क दगड़ खड़ी च।

ऐ मौका फर क्षेत्रक विधायक हरीशधामी, ब्लाक प्रमुख धारचूला धन सिंह धामी, नगर पालिका अध्यक्ष धारचूला श्रीमती राजेश्वर देवी, अर जिलाधिकारी वखम छायीं।