भाजपा पुष्कर धामी थैं दुबरा मुख्यमंत्री बणान्द या कै नै मुखड़ि थैं मौका दिन्दी, भाजपा शुरू ह्वैग्याी मंथन

देरादूण। 47 सिट्टयों मा जीतणा के बाद अब भाजपा मा सर्या हाथी निकळि ग्यायी अर पूंछ फिस्सी ग्यीं जन्नि इस्तिथी ह्वैग्यायी। भाजपा न पुष्कर सिंह धामी क मुखणि क नौं पर चुनौं लड़ि छायीं। भाजपा के समस्या आज ईं भाजपा 47 सिट्टयों मा जीत हासिळ कायी लेकिन मुख्यमंत्री खटीमा बटि चुनौं हारी ग्यीं। अब मुख्यमंत्री कुर्सी मा कु बैट्ठाळु या नैं समस्या ह्वैग्यायी।

ईं यू कारण च कि अब प्रदेस क नैं मुख्यमंत्री कु ह्वाळु ईं बातकु फैसळा करणा खुणि दिल्ली बटि भाजपा द्वी प्रवेक्षक देरादूण मा ऐग्यीं।

प्रवेक्षक भाजपा क जीतयां विधायकों क राय ळेकैकि हाईकमान थैं बताळा अर वैका बाद हाईकमान क फैसळा क बाद हि नैं मुख्यमंत्री कु फैसळा ह्वाळु।
भाजपा मा धामी क चुनौं मा हरणा क बाद हि या छुईं शुरू ह्वैग्यें छायीं।

भाजपा कतगै विधायक पुष्कर सिंह धामी थैं हि मुख्यमंत्री बणणा चाणा छन। त दूसर तरफ ईं बात के भि खूब चर्चा च कि सांसद रमेश पोखियाळ, अनिळ बळूनी अर सतपाळ महाराज भि मुख्यमंत्री क दौड़ मा शामिळ छन।

उत्तराखण्ड की पुकार मोदी धामी सरकार’ नारा देंण वळि भाजपा थैं सबसे बडु झटका ई लगि कि 47 सिट्टयों मा जीत मिळणा का बाद मुख्यमंत्री कुर्सी कु दावेदार हि चुनौं हारि ग्यीं।

धामी थैं दुबरा मुख्यमंत्री बणाणा खूंणि भाजपा थैं एक सीट खाळी करण प्वाड़ळी। अर सूत्र बताणा छन कि भाजपा सीट खाळी कैरिक चुनौं करणा मा जाणा से बचण चाणी च। बस अब या देख्यण वळि बात च कि भाजपा हाई कमान क्या फैसळा लिन्द? क्या भाजपा क्या पुष्कर धामी थैं दुबरा मुख्यमंत्री बणान्द? या कै नै मुखड़ि थैं मौका दिन्दी?