बरतियोंन भवरिं बस नयार मा लमड़ि ग्यें, 6 पौंणा ह्वैग्यीं टुणपट

कोटद्वार। पौड़ी जिला मा आज ब्यौं क मतंग मा गंगजाण (शोक) ह्वैग्यें। यख पौंणा ल भवरिं बस नयार मा लमड़ि ग्यें।

बतै जाणु च बारात लालढ़ाग बटि काड़ातल्ला जाणि छायीं। तबि बीरोंखाल मा सीमड़ी बैंण फर बस नयार मा लमड़ि ग्यें।

पुलिस अर एसडीआरएफ मदत मा लग्यीं च अर अबि तक 6 पौंणाक टुणपट हूंणा क खबर आणि च। बतै जाणु च कि बस मा 40 से जादा पाैंणा छायीं। अंधरू हूंणक कारण पौंणो थैं बचाणा मा दिक्कत हूंण च। इन्न मा हादसा मा टुणपट हूंणवलों पाैंणो क संख्या बढ़ि भि सकदन।