केदारधाम: मंदिर कु गर्भगृह अर मंदिर केरा (परिसर) भितर वीडियो बणौंणा पर होलि कारवै
रुद्रप्रयाग: बाबा केदारा मंदिर कु गर्भगृह अर मंदिर केरा भितर लगातार वायरल हूंणा वीडियो क बाद अब मंदिर समितिन बाबा केदारा गर्भगृह अर मंदिरा केर मा फोटु अर वीडियो बणौंण पर रोक लग्यें दे।
बदरी केदार मंदिर समिति न मंदिरम बड़ा-बड़ा बोर्ड लग्यें यली। जैमा लिख्यूं च मंदिरा भितर अर मंदिरा केर मा फोटोग्राफी अर वीडियोग्राफी करणु मना च अर क्वीं वीडियो बणौंदा पकड़ै जालु त वै फर कानूनी कारवै कर्ये जाली। यांका अलावा मंदिर मा यु बोर्ड बि लग्यूं च कि मंदिर मा मर्यादित कपड़ा पैरिकी अयां।
बतैं दिया कि केदारनाथ म कबि मंदिरा गर्भ गृह म रुप्या उणौंण कु मामला त कबि नौनि क स्यूंद (मांग) भ्वरणा कु मामलु , त एक नौना कु नौनि तैं ब्यौ कु प्रस्ताव देंणा कु वीडिया खूब वायरल ह्वीं।
वीडिया वायरल हूंणा बाद बनि-बनि छ्वीं लगिन। लोगुन मंदिर समिति पर हि सवाल खड़ा करिन अर यु लोगु पर कारवै करणा खूंणि बोलि।
जैका बाद अब बदरी केदार मंदिर समिति न मंदिर म बड़ा-बड़ा बोर्ड लग्यें की लेखि याली कि मंदिरा भितर अर मंदिरा केरा मा फोटु अर वीडियो बणौंणु मना च, पकड़ै जांण फर कानूनी कारवै कर्ये जाली। यांका अलावा मंदिर मा यु बोर्ड बि लग्यूं च कि मंदिर मा मर्यादित कपड़ा पैरिकी अयां।