बागेश्वर उप चुनौ, भाजपा प्रत्याशी पार्वती दास न भोरि नामांकन

बागेश्वर । कैबिनेट मंत्री चंदन रामदास क म्वरण क बाद खाली हूयीं बागेश्वर सीट मा उपचुनौ खूंणि भाजपा ऊंकी घरवलि तैं टिकट दियूं छायीं । जै फर आज पार्वती दास न अपडु़ नामांकन दाखिल कै दे।
नांमाकन भ्वरण दा पार्वतीदास क आख्यूँ मा पाणि ऐग्यें।

ऐ मौका फर भाजपा प्रदेस अध्यक्ष महेन्द्र भट्ट अर प्रभारी मंत्री सौरब बहुगुणा बि छायीं। ऐ मौका फर महेन्द्र भट्ट न बोलि कि ऐ चुनौ मा भाजपा बौत जादा बोटु से जितणि च। नामांकन मा भाजपा संगठन अर पार्टी क कार्यकर्ताऔं के भारि भीड़ जमा छायीं।