भगवान बदरीनाथ क पाट 27 अप्रैल खूंणि खुलळा

टिरी। भगवान बदरीनाथ क पाट ऐसु क साळ 27 अप्रैल खूंणि सुबेर 7 बजिक 10 मिनट पर खुलळा।

आज बसंत पंचमी क शुभबार फर टिरी मा नरेंन्द्रनगर क राजमहल मा बदरीनाथ धाम क पाट खुळणा कु दिनबार अर बगत तय ह्वै।

उर्यूं कार्यक्रम मा विधि विधाना न बदरीनाथा क पाट खुलणा क दिनबार तय कर्यें ग्यें। वखि गाडू घड़ा क तेळ कशळ जातरा 12 अप्रैळ खूंणि निकळें जाली।

ऐ मौका फर टिहरी राजपरिवार क दगड़ बदरी-केदार मंदिर समिति, डिमरी धार्मिक केंद्रीय पंचायत क पदाधिकारी व बड़ी संख्या मा भक्त ळोग छायीं।