सुन्नू (सोना) बाबा केदार थैं अच्छु नीं लगि, बाबा केदारनाथ कायी खबरदार: सुजाना पॉल

देरादूण। बाबा केदार क गर्भगृह मा आग लगणा क घटना पर कांग्रेस क सुजाता पॉल प्रदेस सरकार पर हमला कायी।

सुजाता पॉल न बोलि बल 2013 मा केदारघाटी मा अयीं आपदा क बाद जियोलॉजिकल सर्वे ऑफ इंडिया न बोलि छायीं कि केदारनाथ धाम मा क्वीं छेड़छाड़ नीं कर्यें जाण चैंद। उन्न सरकार पर आरोप लग्यें अर बोलि केदारनाथ थैं दूबरा बणौंणा क नौ पर केदारनाथ क दगड़ ठट्ठा (मखौल) कर्यें जाणु च।

सुजाता पॉलन बोलि द्वी साल पैलि मंदिर क गर्भगृह मा चांदी लग्यें ग्यें छायीं। जै थैं अब निकळें जाणु च अर फाइबर क शीट लग्येें कि दिवालि मा सुन्नू लगाणा क त्यारि करै जाणि च। उन्न बोलि बाबा केदारनाथ थैं यू अच्छु नि लगि अर बाबा न सब्यौं थैं खबरदार कै, जै कारण सै बाबा क अखंड ज्योत मा आग लगि अर फाइबर क सीट जैळि क रंगडु ह्वैग्यें।

सुजाता पॉलन बोलि ऐ बारा मा सरकार थैं बताण चैंद, सरकार वख सुन्नू किलै लगाणि च।

बतै दियां कि केदार बाबा क गर्भगृह क दिवाली मा सून्नू लग्यें जाणा कु काम चलणु च। यां खूंणि दिवाली मा डिजैन कु काम हूंण च। जैका बार दिवाली मा सून्नू लग्यें जालु। या बात जन्नि तीर्थ पुरोहितों थैं पता चलि उन्न यांकु विरोध सुरू कैरि दे। सून्नू लग्यें जाणा खूंणि दिवालि मा द्वलणा करै जाणा छन। मंदिर क दिवालि पर द्वलणा करणा कु तीर्थ पुरोहित सरकार से नाराज छन।

त दूसर तरफ अब पुरोहित द्वी धड़ों मा बट्यां छन कुछ या कु विरोध करणा छन, त कुछ ब्वना छन कि देस मा सबि बड़ा मंदिरों मा सुन्नू लग्यूं च।