अतिथि देवो भवः, इन्नु स्वागत जातरियौं कु कर्यें ज्यां : सतपाल महाराज
रुद्रप्रयाग। प्रदेसा लोक निर्माण, पर्यटन, सिंचाई, लघु सिंचाई, पंचायती राज, ग्रामीण निर्माण, संस्कृति अर जलागम मंत्री सतपाल महाराज न केदारनाथ जातार अयां जातरियों खूंणि जातरा क् बाटौं क कर्यां बन्दबस्त क बारा मा, जीएमवीन क गेस्ट हाउसु अर सड़क्यौं कु निरीक्षण कायी।
कैबिनेट मंत्री सतपाल महाराजन अधिकारियौं तैं निर्देश दीं की जातरा मा अयां जातरियौं तैं क्वी दिकदरि नीं हूंणि चैंद। उन्न बोलि कि अतिथि देवो भवः सोचि कि जातरियौं कु स्वागत कर्यें ज्यां।
कैबिनेट मंत्री महाराजन बोलि कि केदारनाथ धाम मा चलणा ध्वाड़ा, खच्चरु तैं क्वीं दिक्कत नीं हूंण चैंद, ध्वाड़ा खच्चरु खूंणि गरम पाणि अर खाणु कु खास ध्यान दियें ज्यां। यांक दगड़ मा उन्न बोलि कि होटळु , रेस्टोरेंट ढाबों मा जातरियौं बटि क् खाणा क् जादा पैंसा नीं लियें जाण चैंद।
कैबिनेट मंत्री महाराजन बोलि कि हेली सेवा मा नौ पर चलण वळि नकली वेबसाइट पर झटाझट कारवे कर्यें ज्यां। उन्न बोलि कि जातरा क पैदल बाटौं मा दवै अर जरुरी चिकित्सा समाना क्वीं कमी नीं हूंण चैंद, एयर एंबुलेस सदिन त्यार रैंण चैंद।
कैबिनेट मंत्री सतपाल महाराजन बोलि बल जातरा बाटौं मा सफै कु खास ध्यान दियें ज्यां।
कैबिनेट मंत्री महाराजन केदारनाथ धाम मा दर्शन खूंणि आण वळा जातरियौं से विनति कायी कि धाम मा धार्मिक अर परंपरा अर महत्व से ही दर्शन कर्यां अर धाम मा धुमणा कु मतलब से नी अयां। उन्न बोल कि अबि धाम मा ह्यूं प्वड़णु च अर मौसम खराब च अर द्वी दा ग्लेशियर टूट्टि ग्यें, जै कारण जातरा रुकणि च। जै कारण से मौसम तैं देखिक जातरियौं तैं जातरा मा भ्यजें जाणु च।
ऐ मौका फर कैबिनेट मंत्री महाराज द्वारा ऋषिकेश, कौड़याला अर श्रीनगर मा जीएमवीएन गेस्ट हाऊसों कु बि निरीक्षण कायी।