विधानसभा भर्ति घपरोळ, जै न गलती कायी वैथैं त सजा हि नी मिलि : हरक सिंह रावत

देरादूण। कांग्रेस नेता हरक सिंह रावतन उत्तराखण्ड विधानसभा मा पिछनै क द्वार बटि नौकरि पर लग्यां कर्मचारियों कु मामळु मा बोलि कि जौ कर्मचारियों तैं नौकरि बटि भैर निकलें ग्यें ऊंकी क्या गलती च। उन्न बोलि कि गलती उंकी च जै न ऊथैं विधानसभा मा नौकरि पर लगें।

हरक सिंह रावत न बोलि कि एक मामळु मा जांच ह्वैळी या बात बि समणि ऐ जाळी कि भर्ति करणा खूंणि पैसा बि लियेंग्यीं। हरक सिंह रावत न बोलि कि विधानसभा बटि नौकरि बटि भैर कर्या कर्मचारियों कु त टव्टा हि टव्टा ह्वै, पैंसा बि चळिग्यीं अर नौकरि बि चळिग्यें।

हरक सिंह रावत बोलि नौकरि खूंणि सबि कोसिक करदि अर उन्न कोसिस कायी अर नौकरि लगिग्यें। अब या मा उंकी क्या गलती च। अब उकीं नौकरि भि चळिग्यें अर रुप्या बि चळिग्यीं। हरक सिंह रावतन बोलि कि उतैं त सजा मिळिग्यें पर जैल ऊथैं नौकरि लगौंणा क गलत कायी, वै थैं त सजा हि नी मिळि। हरक सिंह रावत न बोलि यामा उंकी क्या गलत च। कारवै उ फर बि हूंण चैंद जैळ ऊथैं नौकरि दे।