कखि आप पनीरा नौ फर स्वीट पॉइजन त नी खाणा छा

देरादूण। त्योवार अर ब्यौं क मैनो मा पनीर खूब ख्यें जान्द। पर क्या आप असली पनीर खाणा छा। यु बौत बडु सवाल च। कखि इन्न न हूयां कि पनीरा नौ फर हम स्वीट पॉइजन खाणा छा, किलैकि ह्वै सकदु कि तुम जु पनीर खाणा छा वु नकली च।

उत्तराखण्ड फूड एण्ड सेफ्टी क टोलि न वन डेयरी म छापामारी त वख 6 सौ किला नकली पनीर मिलि। डेयरी मालिक शादाब न बतै कि यु ऐ नकली पनीर तैं रामपुर बटि ल्यान्द अर देरादूण क डेयरियौं मा सप्लाई करदु।

एफडी ए तैं सूचना मिलि कि त्योहारु मा देरादूण मा खूब नकली पनीरा सप्लाई हूंणि च। उन्नि एफडी ए न डीएल रोड एक डेरी मा छापा मारी। जख नकली पनीर मिलि जांच टोळि न नकली पनीर तैं अपड़ा कब्जा मा कैकि सैम्पल तैं रुद्रपुर लैब भेजि याली।
ऐ मामला मा डेप्टी कमिश्नर आरएस रावत न बतै कि यु अभियान अगनै बि जारी रालु।