सुरु ह्वै ‘अपणु स्कूल, अपणु प्रमाण’ नामक पहल, अब स्कुळ मा हि मिलळा सबि प्रमाण पत्र

देरादूण। मुुख्यमंत्री धामीन आज निर्देश दीं की 11 अर 12 मा पढ़ण वळा स्कुल्यां नौन्याळु क् स्थाई निवास, जाति अर आय प्रमाण पत्र स्कुल मा बण्यें जाळा। मुख्यमंत्री यु फैसळा 12 पास करणा क बाद प्रतियोगिता इमत्यानु तैं ध्यान मा धैरिक कायी।

ऐ बारा मा सचिव शैलेश बगोली न प्रदेसा सबि जिलाधिकारियौं तैं निर्देश जारी कै दीं। उन्न बोलि कि जु बि जरूरी प्रमाण पत्र छन वु थैं मिलण मा बौत दिक्कत हूंद। इल्लै सरकारन यु फैसळा कायी कि अब प्रदेसा सबि स्कुलु मा ‘अपणु स्कूल, अपणु प्रमाण’ नामक पहल कैकि स्कळुयां नौन्याळु तैं स्थाई निवास, जाति अर आय प्रमाण पत्र स्कुळ मा हि बण्यें कि दियें जाला।

जिलाधिकारी क अध्यक्षता मा मुख्य शिक्षा अधिकारी तैं सामिल कैकि समिति बण्यें जाली अर समिति जनपदु मा कक्षा 11 अर 12 मा पढ़ण वळ नौन्याळु क संख्या क बारा मा पता कैकि तहसील स्तर मा उप जिलाधिकारी क अध्यक्षता मा समिति बणैं कि स्कुळु मा जाली जैमा पटवारी, लेखपाल, कानूनगो अर सीएससी क डाटा ऑपरेटर क एक ट्वाळा जाळु अर रोस्टर त्यार कराळा।