अनुपमा क दगड़िया गौं वळों न थाणा मा बांधि दीं अपड़ि गौड़ि, भैंसि
हरद्वार: उत्तराण्ड क हरद्वार ग्रामीण विधानसभा तोक मा भाजपा अर कांग्रेस क बीच मा घपरोळ बढ़दा हि जाणु च। कांग्रेसी कार्यकर्ताओं पर हूंया मुकदमों कु कांग्रेस विधायक अनुपमा रावत लगातार विरोध करणि च। ब्याली बटि अनुपमा थाणा मा हि धरना मा बैट्ठिी च अर आज गौं का ळोगु अपड़ि गौड़ि भैसीं लेकैकि थाणा मा पौंचिग्यीं। थाणा मा विधायक अनुपता रावतन ग्वोर भैंसों क दगड़ मा धरना दे।
बतै दियां बल कांग्रेस क कार्यकर्ताओं पर पुलिसन मुकदमा कर्यां छ जैकु विरोध मा अनुपमा रावत ब्याली बटि बहादराबाद थाणा मा धरना मा बैट्ठिी च। धरना मा आज पुलिस अचाणचक अगबक ह्वै जब गौं क मनखि अपड़ा भैंसु गाड़ी थैं लेकैकि थाणा मा पौंचिग्यीं । पुलिसन यांकु विरोध कायी। जै कारण विधायक अनुपमा रावत पर पुलिस क बीच मा खुब तकरात ह्वै अर गाैं क लोगुन अपड़ा ग्वोरु थैं थाणा बटि भैर निकलणा खूंणि त्यार नी छायीं। उन्न थाणा मा अपड़ि गौड़ि, भैंसि बांधि दे।
विधायक अनुपमा रावतन पुलिस फर आरोप लग्यें कि हमरा कार्यकताऔं फर झुट्ठा मुकदमा लग्यें कि ऊंथैं त्वड़न कु काम कर्यें जाणु। हमरा कार्यकत्तओं फर भाजपा मा सामिल हूंणा कु दवाब बण्यें जाणु च।
विधायक अनुपमा रावत न बोलि कि जब तक मुकदमा वापिस नीं हूंद तब तक म्यारु धरना खतम नीं ह्वाळु।