अंकिता भण्डारी कतल, तिन्या आरोपियों पर ह्वै आरोप तय

कोटद्वार। अंकिता भण्डारी कतल कु मामळ मा आज तिन्या आरोपी पुलकित आर्य, अंकित अर सौरभ अपर जिला जज प्रतिभा तिवारी क कोर्ट मा पेश कर्यें ग्यीं। जख मामळा क जांच करणि एसआईटी क चार्जशीट क अधार पर आरोप तय कर्यें ग्यीं। अर तिनयां आरोपियों फर कतल देह व्यापार अर कतल करणा कु सबुत मिटौंणा क अर ळुकौंणा जन अपराधु क धारा लग्यें ग्यीं।

कोर्ट मा पुलकित अर अंकित क बेल याचिकाओं पर सूणें बि ह्वै। ऐ मामळा मा कोर्टन याचिका खारिज कै दे। अब ऐ मामळा मा सूणें 28 मार्च तय कर्यंें ग्यें।

छै मैना बाद आज अदालत मा अंकिता भण्डारी केस क तिन्यां आरोपी पुलकित आर्य, सौरभ आर्य, अंकित आर्य पर आरोप तय कर्यें ग्यीं। आज तिन्या आरोपियों थैं जेल बटि पुलिस सुरक्षा क बीच अदालत मा लियेग्यीं। एडीजे प्रतिभा तिवारी न ऐ मामला मा एसआईटी क अदालत मा दायर चार्जशीट क अधार पर तिन्या आरोपियों पर आरोप तय कै दे। जैमा हत्या क 302 धारा अर औरि संगीन धारा लग्यें ग्यीं। अब ऐ ममळा मा अगनै लगातार सुण्यें कर्यें जाळी।

बतै दियां कि ऐ अंकिता भण्डारी के कुटुम्दरि न ऐ मामळा मा सीबीआई जांच क मांग कै छायी, जै थैं कोर्टन खारिज कै दे। जै का बाद आशुतोष नेगी सुप्रीम कोर्ट कु द्वार मा याचिका लग्यंे जै फर अबि सुण्यें नी ह्वै।