ठरठरो कार्यकताओं न विधायक गणेश जोशी थैं अपड़ि सिरण दिखें
मसूरी। कैबिनेट मंत्री गणेश जोशी न आज मसूरी मा महात्मा योगेश्वर सरस्वती शिशु विद्या मंदिर क सभागार मा बैठक ल्यें।
बैठक मा कार्यकर्ताओं न बोलि कि मसूरी मा भाजपा कु विधायक हूंण क बाद भि नगर पालिका वेंडर जोन अर घौर बणौंण नौं फर नियमु थैं तोड़िक काम करणि च। कार्यकर्ताऔं न बोलि कि गणेश जोशी पालिकाध्यक्ष अनुज गुप्ता थैं कुछ नीं ब्वलणा छन अर नगर पालिका पर क्वीं कारवै नीं करणा छन।
मसूरी पालिका सभासद गीत कुमाई न बोलि कि कै बार उन्न शासन अर प्रशासन थैं नगर पालिका मा हूंण वलु भ्रष्टाचार क बारा मा शिकैत भि कायी पर शासनान कुछ भि कारवै नीं कै। उन्न बोलि कि प्रदेस मा भाजपा की जीरो टॉलसेंस क सरकार पर मसूरी क रैवासी सवाल करणा छन। जै सै भाजपा कार्यकर्ताओं कु भरोसु टुटणु च। उन्न कैबिनेट मंत्री गणेश जोशी अर सरकार से नगर पालिका मा हूंण वलि गड़बड़ियों मा कारवै करणा क मांग कायी।
बैठक मा भाजपा कार्यकर्ताओं न पालिका मा हूंण वला भ्रष्टाचार क शिकैत पर क्वीं भि कारवै नीं हूंण पर सरकार अर विधायक गणेश जोशी थैं अपड़ि सिरण दिखें।