पुलिसन चौथु मंज्यूळ (चौथी मंजिल) म चढ़ै गाड़ी

ऋषिकेश। ऋषिकेश एम्स मा व्यटुला डॉक्टर पर छेड़ि मामलु मा सिकैत पर कोतवाली पुलिस न मुकदमा दर्ज कै अर आरोपी तैं पकड़ि याली। आरोपी डॉक्टर तैं पकड़णा खूणि पुलिसन अस्पताल क भितर जीप दौड़े दे। पुलिसा यीं कारवै कु वीडिया सोशल मीडिया मा खूब वायरल हूंण च।

उत्तराखणम सैद इन्न घटना कबि ह्वे होलि। पुलिसन गाड़ी तैं चौथु मंज्यूळ म चढ़ै दे।

पुलिसन आरोपी तैं पकड़णा खूणि 2 घण्टा मेनत करण पोडि। डॉक्टरु नराजगी तैं देखिकि आरोपी तैं पकड़णा खूणि पुलिन अपणि गाड़ी तैं रैंप क जरिया चौथु मंजिल पर ली ग्यायी। अर पुलिस वेटिंग रुम बिटि मरीजु क बिस्तर तैं सरकैकि आरोपी तैं भैर निकले ग्यायी। पुलिस गाड़ी तैं चौथु मंजिल बिटि भैर आंदा देखिकि सबि हैरान छन।

ऐ मामला मा आई जी गढ़वाल न बतै कि पुलिस गाड़ी तैं वेटिंग रुम मा इल्लै लिग किलैकि वख लोगुन आरोपी तैं पकड़ि कि पिटण चाणा छायीं। इन्न मा कुछ बि ह्वे सकदु छायीं। उन्न बतै एम्स प्रशासन बि पुलिसा दगड़ि छायीं अर गाड़ी तैं एस्कॉर्ट कैकि वख लीग जै से आरोपी तैं ग्रीन कॉरिडोर बटि भैर निकले ग्यायी अर भीड़ से बच्यें जै सक्यां।