बदरीनाथ धाम, अलकनन्दा म बढ़िग्ये पाणि, खतरा क निसाण से 6 फीट ताळ बगणि च अलकनन्दा

चमोली। खळाखळ हूंणि बरखा न गदनों म पाणि बढ़िग्ये। अलकनन्दा म पाणि खळाखळ बढ़णु च। बदरीनाथ धाम म तप्तकुण्ड म अलकनन्दा खतरा क निसाण से 6 फीट ताळ बगणि च। जै कारण पुलिस तैं तप्तकुण्ड खाली करण प्वोड़िग्ये।

बदरीनाथ धामम अलकनन्दा म पाणि कु स्तर दोफरा बिटि खळाखळ बढ़णु च। यां से तप्तकुंण म पाणि खतरा निसाण बिटि 6 फीट ताळ (नीच) ब्वगणु च। हौरि दिन तप्तकुण्ड म पाणि कु स्तर खतरा कु निसाण बिटि 15 फीट ताळ ब्वगदु छायीं। अलकनंदा पाणि कु बढ़दा स्तर तैं देखिकि पुलिस न लोगु तैं खबरदार कायी अर क्वीं अनहोनी नीं हूयां इल्लै पुलिसन तप्तकुण्ड तैं खाली करे दे।

अलकनंदा म पाणि बढ़ण से नारग शिला अर वाराही शिला पाणि म डुबी ग्येन। अलकनंदा म राति पाणि बढ़णा क उमेद च। इल्लै पुसिल लोगु तैं खबरदार करणि च अर ब्चनी च कि अलकनंदा क छाल नीं ज्यां।