शारदा घाट, टनकपुर मा उर्यूं कार्यक्रम मा भाग ल्यायी अर बोलि- चंपावत मा बणलु कृषि विश्वविद्यालय

मुख्यमंत्री धामिन शारदा घाट, टनकपुर मा उर्यूं कार्यक्रम मा भाग ल्यायी अर 20.50 करोड़ रुप्यौं की 10 विकास योजनाओं कु बि लोकार्पण अर शिलान्यास कायी।

ऐ मौका फर मुख्यमंत्रिन पंतनगर जन्न कृषि विश्वविद्यालय चंपावत मा बणौंण की अर छीनीगोठ तोकम बाढ़ राहत अर सुरक्षा का काम करणा घोषणा कायी।

मुख्यमंत्री न बोलि कि छीनीगोठ तोकम बाढ़ से बचाव अर सुरक्षा देंणा वास्ता काम हूंण से ये तोकम तैं बस्गाल मा हूंण वला नुकसान से बचे जै सकदु यां से खेती पाति कु हूंण वलु नुकसान से बचे जै साकलु।

मुख्यमंत्रिन बोलिकि पंतनगर कृषि विश्वविद्यालय जन्नु कृषि विश्वविद्यालय चंपावत मा बण्यें जालु। ये विश्वविद्यालय मा बच्चों तैं कृषि अर कृषि विज्ञान मा उच्च शिक्षा अर खोज करणा कु मौका मिललु। यां से क्षेत्रम वैज्ञानिक तरीकों तैं खेती-पाति करणा कु मौका मिललु अर पाड़ खेती तैं नै पछ्याण मिललि। उन्न बोलिकि या द्विया घोषणा चंपावत तोक तैं हौरि मजबूत बणौंणा दिसा मा एक बडु कदम होलु।

मुख्यमंत्रिन बोलिकि प्रदेस सरकार, उत्तराखड तैं हरेक तोकम अगनै बढ़ाणि च। आज शिक्षा, स्वास्थ्य, कृषि अर बागवानी, रुजगार अर स्वरुजगार तैं बढ़ावा देंणा वास्ता हरेक क्षेत्रम काम हूंणा छन। चंपावत जिला मा बि विकास तैं अगने बढ़ये जाणु च। मुख्यंत्रिन बोलि कि चंपावतम विकास तैं अगनै बढ़ै कि ये तैं आदर्श जिला बण्यें जाणु च।

ऐ मौका फर दायित्वधारी श्याम नारायण पांडे, शंकर कोरगां, जिला पंचैत अध्यक्ष आनंद सिंह अधिकारी, ब्लॉक प्रमुख अंचला बोहरा भाजपा जिला अध्यक्ष गोविंद सामंत, जिलाधिकारी मनीष कुमार, पुलिस अधीक्षक अजय गणपति अर हौरि लोग छायीं।