अग्निवीर भर्ती मा नौनांे थैं हूंण वळि दिकदारि क बारा मा सतपाल महाराजन अजय भट्ट क दगड़ मा बात कायी अर जांच करणा क बात बोलि
देरादूण। प्रदेसक पर्यटन, लोक निर्माण, धर्मस्व अर संस्कृति मंत्री सतपाल महाराजन कोटद्वार मा चलणि अग्निवीर भर्ती मा नौनों थैं हूंण वळि दिकदारि थैं देखिक रक्षा राज्य मंत्री अजय भट्ट के दगड़ मा बात कायी अर जांच करणा क बात बोलि।
प्रदेस क कैबिनेट मंत्री सतपाल महाराजन बतै बल अग्निवीर भर्ती मा प्रदेस के 300 नौनों थैं एक दगड़ मा दौड़यें जाणु च अर जैमा बटि 8 या दस थैं हि लियंे जाणु च। उन्न बोलि बल पैळि 300 मा बटि 60 नौंनो थैं ल्यें जान्दु छायी।
महाराजन बोलि कोटद्वार मा 19 अगस्त बटि 31 अगस्त तक बीआरओ लैन्सडाउन अग्निवीर क भर्ती हूंणि च। उन्न बोलि भर्ती मा अयां नौना ब्वलणा छन बल भर्ती मा नियमु कु पालन नि हूंणि च। दौड कु बगत 1600 मीटर खूंणि 5ः40 सेकण्ड च लेकिन 5 मिटन मा हि दौड़ थैं खतम कर्यें जाणु च।
महाराजन बोलि बल उत्तराखण्ड मा भर्ती खूंणि 163 सेन्टीमीटर लम्बै च लेकिन अग्निवीर मा लम्बै 170 सेन्टीमीटर वळा नौनों थैं लिणा छन।
कैबिनेट मंत्री सतपाल महाराजन रक्षा राज्य मंत्री थैं बोल कि यू गळतिळ कारण नौना हताश ह्वै कैकि अपड़ा घार जाणा छन। उन्न बोलि अग्निवीर भर्ती के जाण कर्यें ज्यां।