अग्निपथ पर हूंण वळु उपदरू पर धामीन बोलि कि जुवान नौना हमर देस के भविष्य छन, उथैं बधै
देरादूण। सर्या देस मा अर उत्तराखण्ड मा भि अग्निपक्ष योजना थैं लेकैकि लगातार उपदरू हूंणू च। ऐ बारा मा जब मीडिया न मुख्यमंत्री धामी से सवाल पुच्छि त धामीन ब्वाळ कि ज्वान नौना हमर देस कु भविष्य छन ऊथैं मेरी शुभकामना।
बतै दियां कि केन्द्र सरकारन अग्निपथ योजना थैं लॉच कायी। जै कु सर्या देस मा विरोध हूंण च। उत्तराखण्ड मा ईं योजना थैं लेकैकि जुवान नौना सरकार से रूस्यां छन। नौना हल्द्वानी अर देरादूण मा सड़क्यिों मा ऐ कि सरकार थैं अपड़ि टणाक (नाराजगी) दिखाणा छन।
वखि आज एक उर्रयूं कार्यक्रम मा मुख्यमंत्री धामी से ऐ बारा मा जब सवाल पुच्छें ग्यायी त उन्न बोलि कि जुवान देस कु भविष्य छन, ऊथैं मेरी शुभकामना।
मुख्यमंत्री कु ब्वलण च कि ऐ योजनळ लाखों नौना थैं रोजगार मिलळु।
बतै दियां कि सर्या देस मा ई योजना कु विरोध हूंणू च।