अग्निपथ के विरोध मा सड़क्यिों मा जिमदार (किसान)

हरद्वार मा अग्निपक्ष योजना क विरोध मा प्रदेस क जिमदारून आज मार्च निकाळि। भाकियू टिकैत के राकेश टिकैत क पिछनैै लालकोठी बटि रोड़ीबेलवाला मैदान तक जिमदारून मार्च निकाळि।

जिमदार क महाकुम्भ मा पौच्यां भारतीय किसान यूनियन क राष्ट्रीय प्रवक्ता राकेश टिकैत न बोलि कि उन्न अग्निपक्ष योजना कु पैळि विरोध कैरि याली छायीं। उन्न बोलि कि सर्या देस मा ई योजना थैं लेकैकि आंदोलन भि शुरू ह्वैग्यीं। उन्न बोलि कि हमथैं घपरोळ नि करण चैंद। उन्न सब्यौं से आन्दोलन थैं शांतिपूर्ण तरीकळ चलाणा कु विनति कायी। राकेश टिकैत न बोलि कि सरकारि सम्पति थैं नुकसान अर घपरोळ करणु देस क भलै खूंणि अच्छु नि च।

अग्निपक्ष कु सर्या देस मा विरोध शुरू ह्वैग्यायी जै से हरद्वार मा भि अलर्ट ह्वैग्यायी। थाना अर कोतवाली थैं चटक रैंणा खूंणि ब्वले ग्यायी।
एसएसपी डॉ. योगेन्द्र सिंह रावत न जिला मा लॉ एंड ऑर्डर क समीक्षा अप्फि करणा छन। प्रदेस मा एलआईयू थैं सब्बियों पर नजर रखण खूंणि ब्वलें ग्यायी।

बतै दियां कि उत्तराखण्ड मा भि अग्निपथ कु भारी विरोध हूंण च। अर हल्द्वानी मा पुलिसक लांठु चलौण से ऐ मामला मा मामलु मा अबि जादा हि गरमैस च। कुमाैं मा नैनीताल, पिथौरागढ़, बागेश्वर अर चंपावत मा भारी विरोध च हूंणू।