खानपुरक नै विधायक क खिलाफ हाईकोर्ट मा याचिका

नैनीताल। खानपुर से नै बण्यां विधानसभा सदस्य उमेश कुमार क खिलाफ प्रतिनिधित्व अधिनियम मा कारवै करणा खूंणि उत्तराखण्ड न्यायालय मा याचिका डाळें ग्यायी।

आज होरी क छुट्टि क बाद भि ऐ मामळा मा सुणें कार्यवाहक मुख्य न्यायाधीश संजय कुमार मिश्रा अर न्यायमूर्ति मनोज कुमार तिवारी क युगळपीठ मा ह्वै। पीठळ याचिका की पोषणीयता पर सवाळ उठै अर यायिकाकर्ताओं थैं 23 मार्च तक अपडु़ जवाब देंणा खूंणि ब्वाळ।

हरिद्वारा लक्सर डाबकी कला गौं क रैवासी वीरेन्द्र कुमार अर जनता कैबिनेट पार्टी क भावना पांडे न हाईकोर्ट मा एक याचिका डाळि। दायर याचिका मा ब्वळें ग्यायी कि उमेश शर्मा न नामांकन मा अपड़ा अपराधिक मामळों थैं छुप्पै द्यायी।

याचिकाकर्ताओं न ब्वाळ कि उमेश कुमारळ नामांकन फार्म 26 मा भ्वरण वळि जाणकारी नि दें, अर तथ्यों थैं छिपै द्यायी। याचिकाकर्ताओं न उमेश शर्मा थैं विधानसभा मा कसम खाणा से रवक्णा क मांग कायी अर उमेश शर्मा पर जनप्रतिनिधित्व कानून मा कारवै करणा क मांग कायी।