अग्निपथ योजना क विरोध मा कांग्रेस निकाललि पद जातरा, राहुल गांधी बि ह्वाला सामिल
देरादूण। अग्निपथ योजना क विरोध मा कांग्रेस न पद जातरा निकलणा कु फैसळा लियाली। कांग्रेसा पद जातरा 60 दिन तक चललि अर यीं जातरा मा राहुल गांधी बि सामिल ह्वाला।
जातरा तैं लेकैकि आज प्रदेस कांग्रेस भवन मा बठैक उर्यें ग्यायी। बैठक मा कांग्रेस प्रभारी देवेंन्द्र यादव न बोलि कि औंण वळा 2024 लोकसभा चुनौं मा उत्तराखण्ड मा पार्टी तैं औरि कटकुटु करणा अर जातरा क त्यारि खूंणि कांग्रेस कमेटी क बड़ा नेतौंन बैठक उर्यीं छायीं। जैमा सबि नेतौं क सलाह कैकि जातरा क त्यारि कर्यें जाली।
उत्तराखंड कांग्रेस के प्रदेश प्रभारी आदरणीय श्री @devendrayadvinc जी कांग्रेस मुख्यालय देहरादून पहुंचने पर स्वागत किया।स्वागत उपरांत भारतीय राष्ट्रीय कांग्रेस के पूर्व अध्यक्ष श्री @RahulGandhi जी की उत्तराखंड यात्रा को लेकर महत्वपूर्ण बैठक आयोजित की गई जिसमें पूर्व सांसद,सांसद… pic.twitter.com/h2Pb5PmHZ6
— Karan Mahara (@KaranMahara_INC) August 7, 2023
हरीश रावतन बोलि कि या बड़ी खुसी क बात च कि राहुल गांधी न अग्निपथ योजना क खिलाप हूंण वलि पद जातरा मा औंणा इच्छा जतै । उन्न बोलि कि पार्टी क सबि नेतौं अर पदाधिकारियौं क सुझौ क अधार फर फैसला कर्यें जालु।
बैठक बाद पार्टी क विधायक , पैल्यक विधायक, एआईसीसी क सदस्य अर बड़ा नेतौं कु सुझौं क अधार फर राहुल गांधी क जातरा कु बाटु अर जातरा क तारिख तय कर्ये जाली।
बैठक मा कांग्रेस प्रदेश प्रभारी देवेंद्र यादव, पैल्यक मुख्यमंत्री हरीश रावत, कांग्रेस प्रदेश अध्यक्ष करन माहरा, नेता प्रतिपक्ष यशपाल आर्य, गणेश गोदियाल, प्रीतम सिंह अर कांग्रेस विधायक साामिल छायीं।