आजादी क बाद जिमदारों अर मजूर क उत्थान क नौ पर टोटो (खोखळा) नारा दिये ग्यी : मोदी

प्रधानमंत्री नरेन्द्र मोदी न आज ब्वाळ कि आजादी क पच्छि जिमदारों अर मजूरों क उत्थान क नौ पर देश अर राज्यों मा कै सरकार बणि पर कैळ उंकी समस्या कू समाधान नि कायी।

मोदी जनसंघ के स्थापक पंडित दीनदयाळ उपाध्याय क जंयती क अवसर पर वीडियो कांफ्रेसिंग क जरिया भारतीय जनता पार्टी क कार्यकत्ताओं थैं सम्बोधित करणा छायी। उन ब्वाळ कि जिमदार, मजूर अर कज्याणियों उत्थान क नौ पर खोखळा नारा दिये ग्यी। जै थैं केवळ कानून अर वादों क इन जाळा मा उळझयें ग्यायी, जैथैं न त जिमदार समझि सकि अर न मजूर।

उन ब्वाळ कि आजादी क कै दशकों तक जिमदार अर मजूर क नौ पर खूब नारा लग्गि, बड़ा-बड़ा घोषणा पत्र लिख्यें ग्यी लेकिन बगत क दगड़ या बाद साबित ह्वै ग्यायी कि सार्या बात खोखळी छायी। देश इन बत्थौं थें भळि तरौं जंणदू च।