विज्ञापन नीति छ्वटा अखबारु तैं ध्यान धैरिकि बणैं ज्यां : बीना उपाध्याय

देरादूण। उत्तराखण्ड विषम भौगोलिक परिस्थितियों कु प्रदेस च। यख बिटि निकलण वला सबि अखबारों का मालिक, प्रकाशक भारि दिकदारि म अपड़ा अखबार निकलदन। इल्लै भवैष्य म बणण वलि विज्ञापन नीति तैं उत्तराखण्ड बिटि निकलण वला छ्वटा अखबारु तैं ध्यान धैरिकि बणैं ज्यां। जै से बिना कैबि भेदभावा न सबि अखबारु तैं एक जन्नि विज्ञापन कु फैद मिलि सक्यां। या बात पत्रकार महासंघक उपाध्यक्ष बीना उपाध्याय न बोलि।

उत्तराखण्ड प्रिंट मीडिया, विज्ञापन नीति क बाराम पत्रकारों क विचार अर सुझौ खुणि भारतीय प्रेस परिषदा एक टोलि न सचिवालय क मीडिया सेंटर म पत्रकार संगठन, प्रेस क्लब अर अखबारु क प्रकाशक, प्रतिनिधियों दगड़ि एक बैठक कायी। कमेटी म भारतीय प्रेस परिषदा संयोजक गुरिन्दर सिंह सदस्य श्याम सिंह पंवार अर आरती त्रिपाठी छायीं।

बैठक म पत्रकार संगठनों न विज्ञापन क बारम अपणि दिकदारि तैं कमेटी तैं बतै।

बैठक म उत्तराखण्ड पत्रकार महासंघ न बि विज्ञापन नीति पर अपणा सुझौ दीं। पत्रकार महासंघ क प्रदेश उपाध्यक्ष बीना उपाध्याय न प्रदेसक पत्रकारु क दिकदरि तैं उठै अर बोलि कि उत्तराखण्ड विषम भौगोलिक परिस्थितियों कु प्रदेस च। यख बिटि निकण वला सबि अखबारों का मालिक, प्रकाशक भारि दिकदारि म अपड़ा अखबार निकलदन। इल्लै भवैष्य म बणण वलि विज्ञापन नीति तैं उत्तराखण्ड बिटि निकलण वला छ्वटा अखबारु तैं ध्यान म धैरिकि बणैं ज्यां। जै से बिना भेदभावन सबि अखबारु तैं क एक जन्नि विज्ञापन कु फैद मिलि सक्यां।

उन्न बोलि कि साप्ताहिक, पाक्षिक अर मासिक जन छ्वटा अखबार अर पत्रिकाओं तैं बि दैनिक अखबारु क जन्नि विज्ञापन अर टेंडर सूचना प्रकाशित करणा खुणि दिये ज्यां।

पत्रकार महासंघ क प्रदेश उपाध्यक्ष बीना उपाध्याय कमेटी से या विनति कायी कि डीएवीपी क विज्ञापन बि छ्वटा अखबारु तैं पैलिकि जन्नि दिये ज्यां। उन्न बोलि कि पैलि दैनिक अखबारु दगड़ि सबि छ्वटा अखबारु तैं विज्ञापन मिलदा छायी पर अब कै सालु बिटि छ्वटा अखबारु क अणंदिखे करै जाणि च।

पत्रकार महासंघ क उपाध्यक्ष न कमेटी से विज्ञापना दर बढ़ौंणा क मांग बि कायी अर बोलि कि अखबार कु कागज, स्यायी अर हौरि समान पैलि बिटि बौत जादा मैंगु ह्वेग्ये अर रोज दाम बढ़णा छन। उन्न या बात बि बोलि कि डीएवीपी न एक जन्नि प्रसार संख्या वला अखबारु म कैकि दर बढ़ै, त कैकि कम कै दे, जु गलत च। उन्न यां तैं ठीक करणा मांग बि कायी।

पत्रकार महासंघ क प्रदेश उपाध्यक्ष बीना उपाध्याय न प्रदेसम बि विज्ञापन दिंण म हूंण वलु भेदभाव क बारम भारतीय प्रेस परिषद तैं बतै। पत्रकार महासंघ के सदस्य नरेश रोहिला न कमेटी तैं छ्वटा अखबारु क दिक्कता बारम बतै अर या उमेद कायी कि भवैष्य म कमेटी इन्न विज्ञापन नीति बणौंणा खुणि सरकार तैं सुझौ देलि, जै से सबि अखबारु तैं अगनै बढ़णा कु मौका मिललु।

भारतीय प्रेस परिषदा कमेटी न सबि पत्रकार संगठनु तैं भरोसु दे कि सबि सुझौं पर विचार करै जालु अर दिकदरि कु समाधान करणा कोसिस करै जाली।