कैबिनेट मंत्री प्रेमचन्द अग्रवालन द्यायी इस्तीफा
देरादूण। उत्तराखण्डम बड़ी खबर कैबिनेट मंत्री प्रेमचन्द अग्रवालन अपण पद से इस्तीफा दे याली।
बतै दियां कि अब कुछ दिन पैलि बजट सत्रम विधानसभा म पाड़ि लोगु तैं गाली देंण वला कैबिनेट मंत्री प्रेमचन्द अग्रवालन अपणा पद से इस्तीफा दे द्यायी।
कैबिनेट मंत्री न मुख्यमंत्री का घौर पौंछिकि मुख्यमंत्री दगड़ि मुखाभेंट कायी अर अपड़ा पद से इस्तीफा दे द्यायी। उन्न सरकरि गाड़ी बि छोड़ि द्यायी अर अपणि गाड़ी से अपड़ा घौर खुणि पैटिग्येन।
यां से पैलि प्रमेचन्द अग्रवालन मुजफ्फनगर शहीद स्मारक पौंछिकि राज्य आंदोलनकारियौं तैं नमन कायी। तबि बटि इन्नु लगणु छायीं कि वु क्वीं बडु फैसला ले सकदन।
प्रेमचन्द अग्रवालन बोलि कि मि एक राज्य आंदोलनकारी छौं अर मि मिथैं बौत पिड़ा हूंणि च, आज मितैं यु साबित करणा खुणि मजबूर हूंण प्वड़णु च। उन्न बोल ऐ मामला आग तैं जन्न पिळच्ये ग्यायी, वैंका बाद उन्न मंत्री पद बिटि इस्तीफा देंणा कु फैसला कायी।
बतै दियां कि 21 फरवरी 2025सम उत्तराखण्ड विधानसभा सत्र म संसदीय कार्य मंत्री प्रेमचन्द अग्रवालन सदन मा पाड़ लोक्खु तैं लेकैकि गलत बात बोलि छायीं। जै पर पाड़ा लोग प्रेमचन्द अग्रवाला इस्तीफा मांग करणा छायीं।