मुख्यमंत्री धामी न भारत रत्न पण्डित गोविन्द बल्लभ पंत थैं ऊंकी जयंती पर कायी याद

मुख्यमंत्री पुष्कर सिंह धामी न भारत रत्न पण्डित गोविन्द बल्लभ पंत क जयंती क एक दिन पैळि ब्यखुनी दा प्रदेस क रैवासियों थै संदेश द्यायी। मुख्यमंत्री न पण्डित गोविन्द पंत थैं महान स्वतंत्रता सेनानी, देशभक्त, समाजसेवी अर कुशळ प्रशासक बतै। मुख्यमंत्री ब्वाळ पण्डित जी न देस थैं एक नै दिशा द्यायी। उन्न कुली बेगार प्रथा अर जमींदारी उन्मूळन जन्नि बुरै थैं खत्म करणा मा बड़ी भूमिका निभै।

मुख्यमंत्री न ब्वाळ कि हिन्दी थैं राजभाषा बणाणा मा अर उत्तर प्रदेस क पैळा अर देस क गृहमंत्री रैंदा नैं भारत बणाणा मा ऊंकु बड़़ु योगदान रायीं। धामी न ब्वाळ कि पण्डित गोविन्द बल्लभ पंत क संघर्षशीळ अर प्रेरणादायी नेतृत्व देस क रैवासियों थैं हमेशा प्रेरणा देंणु राळु।