मुख्यमंत्री न महिळा हॉकी खिलाड़ी वंदना कटारिया थैं ऊंका घार मा जैकैकि कायी सम्मानित

हरद्वार। मुख्यमंत्री पुष्कर सिंह धामी न आज महिळा हॉकी खिलाड़ी वन्दना कटारिया क घौर रोशनाबाद, हरद्वार मा जैकैकि टोक्यो ओलम्पिक का ऊंक शानदार खेळ खूंणि बधै द्यायी।

ऐ मौका पर मुख्यमंत्री न वन्दना कटारिया थैं पच्चीस लाख रूप्यों क चेक द्यायी। मुख्यमंत्री न वन्दना थैं तीळू रौतेळी सम्मान से भि सम्मानित कायी अर 31 हजार रूप्यों चेक अर प्रशस्ति पत्र द्यायी। प्रदेस सरकारळ न वन्दना कटारिया थैं ‘बेटी बचाओ, बेटी पढ़ाओ’ अभियान क ब्रांड एम्बेस्डर भि बण्यें याळी।

मुख्यमंत्री न ब्वाळ कि वन्दना न टोक्यो ओलम्पिक मा अपड़ा बढ़िया खेळक कारण प्रदेस का मान बढ़ें। उन्न ब्वाळ कि वन्दना क एक मैच मा तीन गोळ कैरिक अपणि अळग हि पछ्याण देस मा बण्यें। उन्न वन्दना क उज्ज्वळ भविष्यक कामना कायी।

मुख्यमंत्री न ब्वाळ कि प्रदेस मा खिलाड़ियों थैं जादा से जादा सुविधा मिळि सक्यां यां खूंणि खेळ नीति त्यार करै जाणि च।

ऐ मौका पर कैबिनेट मंत्री डॉ. धन सिंह रावत, यतीश्वनरानन्द, विधायक आदेश चौहान, देशराज कर्णवाळ अर सचिव हरि चन्द्र सेमवाळ अर वन्दना क सर्या कुटुम्दारि वखमा छायी।