संसद मा इन्न नखरि मानसिकता कभी नि द्येखी : प्रधानमंत्री
संसद क मानसून सत्र क पैळि दिन राज्य सभा मा मंत्रिमण्डळ क नै दगड़ियों क पछ्याण करान्दा विपक्ष क घपरौळ करणा क् प्रधानमंत्री न आलोचना कायी अर ब्वाळ कि संसद मा इन्न नखरि मानसिकता कभि नि द्येखी।
प्रधानमंत्री ब्वाळ या फक्कर क बात च कि देस का गौ बटि अयाँ ळोगुन सदन मा कसम खायी। लेकिन कुछ मनखि नि चंदा कि मंत्रियों सदन मा उंकी पछ्याण एक दूसर से ह्वै। प्रधानमंत्री न ब्वाळ कि उंकी नखरि मानसिकता ब्यटूळा विरोधी भि च, उ ळोग ब्यटूळों थैं भि सदन मा नि चंदा।
यां से पैळि राज्य सभा मा सभापति एम. वेंकैयानायडू न सदस्यों से चुप रैंणा क अपीळ कायी अर ब्वाळ कि इन्न परम्परा द्वी दशक से जादा बगत बटि सदन मा चलणि च।
आज सदन मा प्रधानमंत्री नरेन्द्र मोदी न जन्नि अपड़ा मंत्रीमण्डळ क नै सदस्यों का परिचय करणा शुरू कायी तबरि विपक्ष न घपरौळ करै द्यायी।