ऐसु क साळ नि ह्वैळी कॉवड़ यात्रा
देरादूण। मुख्यमंत्री पुष्कर सिंह धामी न आज सचिवाळय मा एक बैठक कायी। बैठक मा वायरस डेल्टा प्लस क प्रदेश मा मिळण अर कोविड क तिसरी बार आणा के बारा विचार करै ग्यायी।
ऐ बारा मा जानकारू क बात पर भि विचार करै ग्यायी। अर फैसळ ल्येग्यायी कि मनखि जीवन थैं बचौंण खातिर ऐसु साळ हूंण वळी कॉवड यात्रा नी ह्वैळी।
ऐ बारा मा मुख्यमंत्री न सचिव गृह अर पुळिस महानिदेशक थैं जरूरी कार्यवै करणा खूंणि ब्वाळ। मुख्यमंत्री न ब्वाळ कि अपड़ा अगळ-बगळ क राज्यों क अधिकारियों दगड़ मा मिळकैकि जरूरी कार्यवै कर्या। जै ऐ कोरोना जन महामारी थैं रक्वणा मा हम सफळ ह्वै सक्यां।
बैठक मा मुख्य सचिव डॉ. एसएस. संधु, अपर मुख्य सचिव, आनंदनबर्द्धन पुलिस महानिदेशक अशोक कुमार छायीं।