शान्तिकुंज स्थापना क् स्वर्ण जयंती पर डाक टिकट ह्वायी जारी

UK Dinmaan

हरिद्वार! शांतिकुंज स्थापना क स्वर्ण जयंती क साळ मा देवसंस्कृति विश्वविद्यालय मा उर्यू कार्यक्रम मा केन्द्रीय डाक विभाग न पांच रुप्यों का एक डाक टिकट जारी कायी।

वर्चुअळ जुड्यां ऐ कार्यक्रम मा कानून मंत्री रविशंकर न ब्वाळ कि पं. श्रीराम शर्मा आचार्य न आजादी क बगत आध्यात्मिक चेतना जगौंणक काम कायी।

ऐ मौका पर मुख्यमंत्री तीरथ सिंह रावतन ब्वाळ कि शांतिकुंज क स्थापना क स्वर्ण जयन्ती पर डाक टिकट जारी करण्क मतबळ सनातन संस्कृति थैं अगने ल्याण च।

उन्न ब्वाळ कि पं. श्रीराम शर्मा हमर सम्मान छन।
समाज मा आध्यात्मिक विकास थैं बढ़ाव देंण खूंणि शांतिकुंज क काम बौत भल्लु च।

कार्यक्रम क अध्यक्षता डाॅ. प्रणव पण्डया न कायी। ऐ मौका पर गायत्री कुटम्दरि का संरक्षक शैळ दीदी, कुलपति शरद पारधी, कुलसचिव बलदाउ, देवांगन अर डाक विभाग क निदेशक सुनीळ पाळ मौजूद छायी।