राज्यपाळ न बोट, रिकसा अर घ्वड़ा चळाण वळों थैं राहत क् समान बांटि
नैनीताळ। राज्यपाळ बेबी रानी मौर्य ने आज छंचर खूंणि नैनीताळ राजभवन मा बोट, रिकसा अर घ्वड़ा चळाण वळा मनखियों थैं राहत क समान बांटि। राज्यपाळन कज्याणी थैं गरम शाॅळ भि द्यायी।
राज्यपाळ न बोट, रिकसा अर घ्वड़ा चळौंण वळों क् दगड़ मा बात कायी अर उंक दिकदारि (परेशानी) क् बारा मा जानकरि ल्यायी।
रिकसा अर घ्वड़ा चळौंण वळों अपणि दिकदारि सूंणा खूूंणि राज्यपाळ क आभार जतै।
राज्यपाळ न ब्वाळ कि नैनीताल मा भैर बटि घुमणा खूंणि आणा वळा मनखि सीदा बोट, रिकसा अर घ्वड़ा चळाण वळा से मिळदी जै से बोट, रिकसा अर घ्वड़ा चळौंण वळा पर कोरोना वाइसर कू जादा खतरा च। उन्न संयुक्त मजिस्ट्रेट थैं ब्वाळ कि सब्बि बोट, रिकसा अर घ्वड़ा चळौंण वळा थैं पैळि अर गटागट (जल्दी-जल्दी) टीका लग्यें ज्यां।