पर्यटन मंत्री सतपाळ महाराज न केदारनाथ त्रासदी में टणपट्ट हूयां ळोगु थैं द्यायी श्रद्धांजळि

देरादूण। प्रदेश का पर्यटन सिंचाई एवं संस्कृति मंत्री सतपाळ महाराजन आज 8 साळ पैळि केदारनाथ मा अईं आपदा मा म्वरयां ळोगु थैं श्रद्धाजंळि द्यायी। सतपाळ महाराज न अपड़ा कैम्प कार्याळय सुभाष रोड मा केदारनाथ मा 16 जून 2013 मा अई आपदा मा म्वरयां ळोगु थैं श्रद्धाजंळि द्यायी।

https://youtu.be/BKyd744XoE0

पर्यटन मंत्री सतपाळ महाराजन ब्वाळ कि 8 साळ पैळि ईं आपदा मा केदारनाथ आर वैका उण्डु- फूण्डु तबैह मचै द्यायी। आपदा मा हजाराें मनखियों टणपट्ट ह्वै ग्यीं । अर जान माळ कु बौत नुकसान ह्वै। उन्न ब्वाळ कि आज केदानाथ आपदा थैं आठ साळ पूरा ह्वैग्यी। महाराजन न ब्वाळ कि ईं आपदा मा जौकि कुटम्दरी हरचीं ग्यायी ऊंक दगड़ मेरी सहानुभूति च।

पर्यटन मंत्री न ब्वाळ कि आपदा क बाद प्रधानमंत्री नरेन्द्र मोदी क निर्देश पर केदारपुरी थैं नै तरौं से बणाणा कु काम चळणु च अर केदापुर पैळि से बौत बदले ग्यायी।

उन्न ब्वाळ कि ईं आपदा से हमथैं सबक लिंण चैंद अर कुदरत क् दगड़ मा जादा छेड़ नि करण चैंद।