पर्यटन मंत्री सतपाळ महाराज न राजाजी रॉयल्स रेस्टोरेन्टक कायी शुरूआत

UKDinmaan

ऋषिकेश। पर्यटन सिंचाई, धर्मस्त अर संस्कृति मंत्री सतपाळ महाराज न चीळा मा गढ़वाळ मण्डळ विकास निगम के रिजाॅर्ट मा बण्यूं राजाजी राॅयळ रेस्टोरेंट कु शुरूआत कायी।

गढ़वाळ मण्डळ विकास निगम चीळा मा बण्यूं रिजाॅट मा 19.70 लाख रूप्या लग्यां छन।

https://youtu.be/B9IiUQxrdzM

ऐ मौका पर पर्यटन मंत्री सतपाळ महाराज न ब्वाळ कि रेस्टोरेंट मा प्रदेश क् भैर बटि घुमणा खूंणि आण वळा लुक्खु थैं गढ़वळि र कुमौं क खाणा कि रस्याण मिळळी अर ऊ ळोग हमर पाड़ क रंग-ढंग (शैळी) थैं समझळा।

पर्यटन मंत्री सतपाळ महाराज न घुमण वळों थैं रैवार द्यायी कि कोरोना कफ्र्यू का बाद चीळा क् रौंतेळि डांडी-काठी अर पाड़ि ढ़ग से बण्यूं राजाजी राॅयळ रेस्टोरेंट मा पाड़ि खाणा कु रस जरूर ल्याँ।

ऐ मौका फर पूर्व मंत्री श्रीमती अमृता रावत, गढ़वाळ मण्डळ विकास निगम क प्रबंधन निदेशक डाॅ. आशीष चौहान, जी एम टूरिज्म अर निर्माण रामजी शरण, सहायक अभियन्ता अजय दिवाकर, अवर अभियंता हरीश चौहान, आर्किटेक अतुळ तिवारी, उदयन अग्रवाळ अर रिजाॅर्ट का प्रबंधक ब्रिजेश पाठक वख मा छायी।