रामबाण च करेला
करेळा खाणा मा कडु् हुन्द लेकिन करेळा स्वास्थ्य खुणि बड़ि काम क चीज च। करेळा कुपोषण और कई बिमारियों मा बेहद कारगार च। करेळा विटामिन से भरपूर हुन्द।
करेळा खास कैरिक डायबिटीज क मनखि खूंणि फैदामन्द च। केरळा पाचन तंत्र थैं भि ठीक करदु जैं मनखि कु हाजमा ठीक नि च वैथें करेला कु उपयोग करण चैंद। करेला पचानतंत्र थैं दुरस्त करदु अर कब्ज से निजाद भि दिळादु।
करेळा मा पोटेशियम, आयरन, बीटा कैरोटिन और कैल्शियम क अळावा कई विटामिन हुन्दी जै कारण करेळा कुपोषण मा लाभकारी च। करेळा खून मा शर्करा की मात्रा थैं बसमा करदु। वखि करेळा खाण से सोरायसिस, चर्म रोग मा भि फैंदा हुन्द।
मुधमेह :
करेळा मधुमेह मा रामबाण द्वै च। करेळा का टुकड़ों थैं सुखेकि बरीक पीसिकि, रोज एक चम्मच पाणी दगड़ का ळिण से फैदा हुन्द।
तवचा रोग:
करेळाकि बुज्जी खाण से अर करेळा थैं मिक्सी मा पिसीकि लेप थैं फोड़ा फुंसी मा लगाण से त्वचा रोग मा फैंदा हुन्द।
जोड़ों का दर्द मा राहत-
गठिया या जोड़ों क दर्द मा करेळा खाण, अर दर्द वळि जगह मा करेळा क पत्ता कु रस से माळिश करणा से अराम मिल्दु।
उल्टी दस्त मा अराम –
करेळा के बीज अर काळी मिर्च थैं पीसिकि पाणी मा मिलैकि खाणा से उल्टी दस्त बन्द ह्वै जन्दिन।
मोटापा मा राहत :
करेळा कु रस अर नींबू कु रस मिलाकैकि पीण से शरीर मा पैदा हुंण वळा टाॅक्सिंज और अनावश्यक वसा कम ह्वै जान्द।
पीलिया की दवै:
पीलिया और मलेरिया जन बुखार मा करेळा थैं पीसिकि दिनमा एक-द्वी बार पीण से फैंदा हुन्द।
करेळा हमरि शरीर खुणि बेहद फैंदा मंद च लेकिन जैं मनखि थैं अल्सर च यु करेळा से दुर ही रैंया।