हंस फाउण्डेशनळ सरकार थैं दीं 40 ऑक्सीजन कंसेंट्रेटर्स
समाज सेवा मा सदनि अगनै रैंणवळु हंस फाउण्डेशन कोरोना से लडै़ मा एकदा फिर सरकार क मदत करणा खूंणि अगनै आयी।
आज बीजापुर गैस्ट हाउस मा हंस फाउण्डेशनळ सरकार थैं 40 ऑक्सीजन कंसेंट्रेटर्स, 60 नेबोलाइजर मशीन, 500 ऑक्सिमीटर, 448 डिजिटल थर्मोमीटर, 587 पीपीई किट, 50 इंफ्रारेड थर्मोमीटर, 300 ऑक्सीजन मास्क, 3250 सर्जिकल मास्क, 170 सेनिटाइजर, 100 स्टीमर, 20 बीपी मशीन अर औरि समान भि द्यायी।
सरकारन यूं सब्बि समान रूद्रप्रयाग जनपद थैं भेजी द्यायीं। हंस फाउण्डेशन न ब्वाळ कि हम और जिळों खुणि भि सामान द्यूळा।
ऐ मौका पर कैबिनेट मंत्री सुबोध उनियाळ अर गणेश जोशी भी मौजूद छायी।