1 मई से शुरू हूंण वळा कोरोना अभियान अबि रव्वकै ग्यायी, सरकारळ यू फैसळा दवै नि मिळण पर कायी

स्वास्थ्य महानिदेशक तृप्ति बहुगुणा न बतै कि प्रदेश मा अबि कोरोना क दवै नि मिळी। ऐ कारण से 1 मई से शुरू हूंण वळु कोरोना दवै अभियान थैं शुरू नि कैरि सकदा। उन्न ब्वाळ1 मई से शुरू हूंण वळा दवै अभियान मा 18 से 44 साळ तक का सबि ळोगु थैं कोरोना क दवै लग्यें जाणी छायी । उन्न ब्वाळ कि जन्नि हमथैं दवै का कोटा मिळ जाळु त दवै अभियान थैं शुरू करै जाळु।

बतै दय्या कि मुख्यमंत्री तीरथ सिंह रावतन की अध्यक्षता मा केबिनेट ह्वै बैठक मा फैसळा ह्वै छायी कि प्रदेश मा 18 से 44 साळ तक का सबि ळोगु थैं कोरोना क दवै मुफत मा लग्यें जाळी। स्वास्थ्य विभागन शनिवार बटि हूंण वळा दवै अभियान क पूरी तय्यरि कैर याळी छायी । लेकिन विभाग थैं पूरी दवै नि मिळी।

1 मई बटि चळण वळा ये अभियान मा दवै ळगााणा खूंणि प्रदेश मा नामांकन भि शुरू ह्वै ग्यायी छायी। लेकिन दवै नि मिळण पर फिळहाल अभियान अबि रव्वकै ग्यायी।

दूसर तरफ उच्च शिक्षा मंत्री ब्वाळ कि दवै अभियान थैं सफळ बणाणा खूंणि प्रदेश का राजकीय विद्याळय, विश्वविद्यालय, अर निजी शिक्षण संस्थानों मा कोरोना दवै लगाणा खूंणि जगह दियें जाळी।

वखि उच्च शिक्षा मंत्री न ब्वाळ कि ऐ काम मा एनसीसी कैडेट्स अर एनएसएस स्वयं सेवकों का मदद ळियें जाळी। या खूंणि पैळि ऊंका ब्ये-बाबा (अभिभावक) से पूच्छें जाळु, ब्ये-बाबा क राजी हूंण पर सबसे पैळि उथैं कोरोना क टीका लग्यें जाळु। तब उसे मदद ळियें जाळी।