चारधाम यात्रा रवके ग्यायी, बगत पर खुल्ळा मंदिरों का द्वार

कोरोना संक्रमण थैं फैळणु च जै कारण से उत्तराखण्ड सरकारन चारधाम यात्रा थैं अबि रोक द्यायी। मंदिरों क द्वार बगत पर खुल्ला अर मंदिर मा केवळ पूजा-पाठ हि ह्वाळु। कै भी मनखियों थैं दर्शन करणा क अनुमति नि ह्वैळी। मंदिर मा वख्क पुजारी रावळ, अर पुरोहित ही पूजा कारळा।

प्रदेश क मुखिया तीरथ सिंह रावतन आज चारधाम यात्र क बारा मा बैठक बुळै छायी। बैठक मा पर्यटन मंत्री सतपाळ महाराज भी छायी।

मुख्यमंत्री पत्रकारों थैं बतै कि कोरोना क कारण चारधाम यात्रा थैं अबि बंद करैं ग्यायी लेकिन कपाट बगत मा खुल्ळा।

मंदिरों का द्वार खुल्ळणा क तारिक पैळि ही तय ह्वै ग्यायी। यमुनोत्री धाम 14 मई, तक गंगोत्री धाम 15 मई
केदारनाथ धाम 17 मई, बदरीनाथ धाम 18 मई खंूणि मंदिरों का द्वार खुल्ळण छायी।