मुख्यमंत्री न कायी रायपुर क्रिकेट स्टेडियम मा बण्यूं कोविड केयर सेंटर कु निरीक्षण
देरादूण। मुख्यमंत्री तीरथ सिंह रावतन आज रायपुर क्रिकेट स्टेडियम मा बण्यूं कोविड केयर केन्द्र कु अचाणचक निरीक्षण कायी। ऐ कोविड सेन्टर मा कोविड-19 का मानकों क अनुसार सबि मौजुद छायी।
अभि यखक क्षमता 450 बिस्तरों क च, मुख्यमंत्री न ब्वाळ क बिस्तरोंं क संख्या 500 हूंण चैंदा।
मुख्यमंत्री न ब्वाळ कि कोविड सेन्टर मा रैंण वळों थैं फ्री मा सबि चीज दियें जाळी अर खाणा क व्यवस्था भि करै जाळी।
कोविड सेन्टर मा सैनिटाइजिंग, थर्मळ स्क्रीनिंग, सीसीटीवी कैमरा, कोविड मानकों का हिसाब से सबि व्यवस्था करैं जाळी।
मुख्यमंत्री न आदेश द्यायी कि सबि बिस्तरों पर आक्सीजन सपोर्ट हूंण चैंद। उन्न ब्वाळ कि कै भि कोरोना मरीज क हाळात खराब हूंण पर मरीज थैं झट बडु़ अस्पताळ (हाॅयर सेन्टर) मा भेजें जावा।
मुख्यमंत्री न दून अस्पताल अर कोरोनेशन अस्पताल कू भि जायजा ल्यायी। मुख्यमंत्री न कोरोनेशन अस्पताळ थैं भि कोविड अस्पताळ बणाणा क निर्देश दीं। मुख्यमंत्री न ब्वाळ कि सरकार पूर्ण रूप से प्रतिबद्ध च कि आम मनखियों थैं कुई भि परेशानी नि हुंण चैंद। उन्न ब्वाळ कि सबि अस्पताळु मा आक्सीजन क कुई कमी नि च। उन्न ब्वाळ कि अस्पताळु मा दवै अर औरि जरूरी समान भी पूरा छन।
मुख्यमंत्री ब्वाळ संकट का ई घंडी मा सरकार अपड़ा सबि संसाधनों क दगड़ पूरी निष्ठा काम करणाी च। उन्न ब्वाळ कि अपड़ा प्रदेश अर प्रदेश की जनता थैं सबि मदद अर अच्छी से अच्छी स्वास्थय सुविधा दियें जाळी। मुख्यमंत्री जनता थैं विश्वास दिल्ळें कि सरकार जनता दगड़ मा मजबूती से खड़ी च।
मुख्यमंत्री क दगड़ मा विधायक उमेश शर्मा अर खजान दास भि छायी।