50 साळ से जादा उमर का मनखियों थैं चैत क मैना बटि ळग्ळु कोरोना कु टीकाः डाॅ. हर्षवर्धन

केन्द्रीय स्वास्थ्य मंत्री डाॅ. हर्षवर्धन न ब्वाळ कि कोरोना क 50 साळ क से जादा उमर का ळोगु थैं चैत क मैना (मार्च) बटि ळगळु काेेरोना कु टीका। उन्न ब्वाळ कि सात दिनु मा 188 जिळों मा एक बि कोरोना का मामळा समणि नि ऐ।

डाॅ. हर्षवर्धन न ब्वाळ कि जरूरी यौं च कि हम ळोगु थैं अबि कोरोना का नियमों का पाळन करण प्वाड़ळु उन्न ब्वाळ कि आज देश मा द्वी वैक्सीन छन। उन्न ब्वाळ कि हमन 80 से 85 ळाख स्वास्थ्यकर्मी अर फ्रंट लैन मा काम करण वळाेें थैं वैक्सीन ळग्यें याळी अर अब हम 20 से जादा देशू थैं वैक्सीन दिंणा क स्थिति मा छौं।

उन्न ब्वाळ कि देश मा सब्यिों खूणि स्वास्थ्य सेवा का सपना कखि साकार हूंण च त हमर देश मा।

उन्न ब्वाळ कि अबि तक 1,09,16,589 ळोगु कोरोना से बीमार ह्वी त 1,06,21,220 ळोग ठीक ह्वी। उन्न बतै कि अबरि देश मा कोरोना से ठीक हूंण वळों क प्रतिशत 97.29 च। अर सरया दुनिया मा सबसे कम मृत्यु दर 1.43 प्रतिशत भारत मा च।