मुख्यमंत्री न विजय दिवस पर शहीद जवानों थैं द्यायी श्रद्धांजळि

मुख्यमंत्री त्रिवेन्द्र सिंह रावत न आज विजय दिवस क मौका पर देहरादून क गांंधी पार्क मा शहीद स्मारक मा शहीद जवानु थैं श्रद्धांंजळि द्यायी।

ये मौका पर मुख्यमंत्री न ब्वाळ कि हमारा देश की महान सेना न 1971 क लैड़ मा पाकिस्तान क तिरानवे हजार फौजियों थैं आत्मसमर्पण खुणि मजबूर कैरि द्यायी छायी। जै कारण आज कु दिन भारतीय इतिहास मा महत्वपूर्ण अर सैनिकों क वीरता कु परिणाम च। उन्न ब्वाळ कि हमरा जवानु का अद्भुत पराक्रम से भारत थैं बड़ी विजय प्राप्त ह्वै छायी।

ये मौका पर मेयर सुनील उनियाळ, विधायक गणेश जोशी, अपर मुख्य सचिव श्रीमती राधा रतूड़ी, निदेशक सैनिक कल्याण ब्रिगेडियर के.बी. चन्द अर सैन्य अधिकारियों न शहीद स्मारक पर पुष्पचक्र अर्पित कैकि शहीद जवानों थैं श्रद्धांजळि द्यायी।