विधान सभा अध्यक्ष भि ह्वै कोरोना पाॅजिटिव

UK Dinmaan

देरादूण। 23 सितम्बर खुणि हुुंण वळा मानसून सत्र से ठिक पैळि विधानसभा अध्यक्ष प्रेमचन्द्र अग्रवाळ भि कोरोना संकमित ह्वै ग्यी।

विधानसभा अध्यक्ष प्रेमचन्द्र अग्रवाळ अर नेता प्रतिपक्षि इंदिरा हृदयेश समेत कई विधायकों क कोरोना संक्रमण से ग्रसित हुुंणक कारण आज इतवार खुणि फैसळा ह्वै कि अब मानसून सत्र एक दिन कू होळु।

नेता विपक्ष इंदिरा हृदयेश सुक्वार खुणि कोरोना पाॅजिटिव ह्वै। उंथैं हल्द्वानी बटि देरादून अस्पताळ मा भर्ती कैरे ग्यायी छायी। जख बटि आज उंथैं एयरळिफ्ट कैरिक मेेदांंता अस्तपाळ गुरुग्राम मा भर्ती कैर द्यायी।

उत्तराखण्ड प्रदेश मा 23 सितम्बर बटि हुुंण वळा मानसून सत्र से पैळि विधानसभा अध्यक्ष अर नेता प्रतिपक्षि क कोरोना से ग्रसित हुंणा क कारण से आज फैसळा ह्वै कि अब मानसून सत्र एक दिन कू हि होळु। सत्र से पैळि सभि दळु क बैठक अर कार्यमंत्रणा समिति क बैठक मा फैसळा ह्वायी कि सदन एक दिन हि चळलु अर प्रश्न काळ नि ह्वाळु। पैळि सत्र तीन दिनकु प्रस्तावित छायी।