भोळे जी महाराज क जन्मबार पर उत्तराखण्डवासियों खुणि ह्वायी 100 करोड़ रुप्या योजना क शुरूआत

देरादूण। मंगळवार आज मुख्यमंत्री क घाऽर मा भोळे जी महाराज कु जन्मबार क दिन मुख्यमंत्री त्रिवेन्द्र सिंह रावत, उच्च शिक्षा मंत्री धन सिंह रावत, माता मंगला जी न मिळिक कायी हंस फाउण्डेशन क 100 करोड़ रूप्यों की योजना क लोकापर्ण।

जैमा पौड़ी क ळवाड़ ‘नेशनळ स्किळ डेवलपमेंट सेेंटर’ बणाण् क काम ह्वाळु।

कोविड-19 सै लड़ै खुणि उत्तराखण्ड मा 10 कोविड टेस्टिंग सेन्टर बणैं जाळा।

विद्यालय रथ योजना मा उत्तराखण्ड क चार विद्यालयों खुणि बस कू लोकापर्ण ह्वायी, दगड़ा मा उत्तराखण्ड क राजकीय महाविद्यालयों क पुस्तकालय थैं नै तरै से बणायें जाळु।

जीवन रक्षक अभियान मा जिला टिहरी, रूद्रप्रयाग अर भारत माता मंदिर हरिद्वार थैं एम्बुलेंस द्यायी अर मुख्यमंत्री न स्कुळया गाड़ि अर एम्बुलेस थैं झण्डा दिखैकि रवाना कायी।

हंस फाउण्डेशनळ कोविड 19 महामारी मा उत्तराखण्ड के 250 गैर सरकारि विद्यालयों क कर्मचारियों थैं 15 दिन कु तनखा दिणकु योजना शुरू कायी।

उत्तराखण्ड महिला पुलिस थैं जळदी ही द्वि पैइ्यों कि गाड़ि दिणा कि योजना।

हंस फाउण्डेशन कि मद्द से उत्तरकाशी क 100 गौ मा हंस ऊर्जा अभियान क बावत सोलर लैट भेंट।

मुख्यमंत्री न भोळे जी महाराज थैं ऊंक जन्म बार पर बैधै द्यायी अर ऊंकी लम्बी उमरै कामना कायी। अर ब्वाळ कि भोळे जी कु व्यक्तित्व हमथैं काम करणा खुणि प्रेरित करदु। मुख्यमंत्री न ब्वाळ कि भोळे जी कु जीवन गरीब मनखियोंकि सेवा मा हमेशा समर्पित च। ऊंन लाखों लोगु क जीवन मा उज्याळु करयु च।

मुख्यमंत्री न ब्वाळ कि हंस फाउण्डेशन स्वास्थ्य, शिक्षा व संस्कृति क क्षेत्र क दगड़ दगड़ा मा कृषि व बागवानी मा भि गांवा वळों थैं आत्मनिर्भर बणणा मा मदद करणु च। उन ब्वाळ कि हंस फाउण्डेशन कोरोना महामारी मा फ्रंट लाइन वाॅरियर्स कू काम करणु च।