नि मानि नेपाळ, संसद मा पेश कैरि याळी नैै नक्शा

दिल्ळी : सीमा विवाद पर नेपाळ सरकारळ भारत सरकार दगड़ बात करणा से साफ मना कैर द्याई। नेपाल कि संसद मा वखकि के.पी. शर्मा ओळी सरकारळ संविधान मा संशोधन कु बिल पेश कैरि द्यायी।

ये बिळ दगड़ी नेपाळ का राजनैतिक नक्शा अर राष्ट्रीय चिह्न बदलि जालु। नया नक्शा मा नेपालळ भारत का तीन इलाका अपणी सीमा का दिखय्या छन। ये तीन इलाका छन कालापानी, लिंपियाधुरा अर लिपुलेख। जो भारत का अभिन्न अंग छन।

संसद क भीतर नेपालळ सरकार थैं वख कि मुख्य विपक्षीदल नेपाळी कांगे्रस कु दगडु़ भि मिल ग्यायी।

नेपालळ अपड़ा नया नक्शा मा 395 किलोमीटर भारत कि जमीन थैं दिखैं याळी। जैमा लिंपियाधुरा, लिपुलेख अर कालापानी दगड़ गुंजी, नाभि और कुुटी गांव भि छन।

नेपालळ कालापानी कि कुळ 60 वर्ग किलोमीटर अर लिंपियाधुरा कि 335 किलोमीटर कुळ 395 वर्ग किलोमीटर पर अपडु़ दावा कैरि द्यायी।