खटीमा से मेरू रिस्ता एक नेता कु ना बल, माँ-ब्यटा कु रिस्ता च: मुख्यमंत्री धामी
मुख्यमंत्री धामिन खटीमा मा उर्यूं कार्यक्रम मा भाग ल्यायी अर खटीमा चौक बटि थारु विकास भवन तक 14.97 करोड़ रुप्यौं से बणण वलु मोटर मार्ग चौड़ीकरण कु भूमिपूजन कायी।
मुख्यमंत्रिन बोलिकि यीं सड़क कु चौडु हूंण से यखका रैवासियों, दुकानदारू तैं बौत फैदा मिललु। यातायात व्यवस्था अर जाम की दिक्कत कम होलि।
मुख्यमंत्रिन खटीमा की जनता की पेरम का वास्ता आभार बोलि अर बोलिकि खटीमा से ऊंकु रिस्ता सिरफ एक नेता कु ना बल, माँ-ब्यटा कु रिस्ता च। यखकि जनता कु पेरम अर आशीर्वाद ऊंतै सदिन प्रदेसा सेवा करणा की तागत दिन्द।
मुख्यमंत्रिन बोलिकि प्रदेस सरकार खटीमा कु विकास का वास्ता लगातार काम करणि च। यख सड़क शिक्षा, स्वास्थ्य अर परिवहन जन्नि जरूरी सुविधौं तैं हौरि जादा अच्छु बणौंणा वास्ता विकासा काम करणि च। राजकीय महाविद्यालय मा भवन बणौंण, आईटीआई अर बालिका विद्यालय कु आधुनिकीरण आधुनिकीकरण का दगड़ि शिक्षा क क्षेत्रम काम करेग्येन।
मुख्यमंत्रिन बोलिकि खटीमा मा जल निकासी की दिक्कत तैं ठीक करणा वास्ता काम हूंण च। ऑक्सीजन पार्क , क्रोकोडाइल पार्क अर धार्मिक स्थलु का विकास का क्षेत्रम पर्यटन तैं अगनै बढ़ये जाणु च।