सेवानिवृत हूंण वला द्वि अग्निवीरू तैं पीएसी मा मिललि नौकरि

मुख्यमंत्री धामिन भारतीय सेना बटि नवंबर2026 मा सेवानिवृत हूंणा वला अग्निवीर का पैलि बैच का द्वी अग्निवीरू तैं 40वीं वाहिनी पीएसी मा खाली प्वड़यां पद पर भर्ति करणा का प्रस्ताव तैं मंजूरि दे द्यायी। संयुक्त सचिव, भारत सरकार तैं भेजि चिट्ठी मा बतै कि भारतीय सेना मा भर्ति पैलि अग्निवीरु दल मा भर्ति अग्निवीर नवंबर मा सेवामुक्त हूंणा छन। उत्तराखण्ड का द्वी अग्निवीरु तैं समायोजन की उमेद कर्ये ग्ये छायीं। मुख्यमंत्री का ऐ प्रस्ताव फर मंजूरि दिए ग्यायी अर 40वीं वाहिनी पीएसी मा खाली प्वड़यां पदु फर द्वी अग्निवीर तैं भर्ति करणा की मूंजिर दिए ग्यायी।

मुख्यमंत्रिन धामिन बोलिकि प्रधानमंत्री मोदिक मार्गदर्शन मा सुरु अग्निपथ योजना देस का ज्वानु मा अनुशासन, राष्ट्रसेवा अर कर्तव्यनिष्ठा की भावना तैं हौरि मजबूत करणि च। अग्निवीरु तैं भारतीय सेना मा सेवा मा जु कौशल, तर्जुबा अर अनुशासन मिलि, वा देस की पूंजी च। हमरि सरकार अग्निवीरु का योगदान कु सम्मान करदि। हमरि कोसिस च कि देस की सेवा करण वला यु ज्वानु तैं अगनै बि देस की सेवा करणा कु मौका मिलण चैंद, ऊंकी सेवा कु तर्जुबा कु फैदा प्रदेस तैं बि मिलण चैंद।