रखणि कु तिवार हमरि सांस्कृतिक परंपरक दगड़ि ब्यटुलों कु मान अर आपसी तालमेल की भावना तैं बि मजबूत करदु: धामी
मुख्यमंत्री धामिन रक्षाबंधन कु तिवार पर सर्या प्रदेसा रैबासियों तैं बधै अर शुभकामना द्यायी।
मुख्यमंत्रिन बोलिकि रखणि कु तिवार भै-बणियों कु पेरम, विस्वास समर्पण कु तिवार च। उन्न बोलि रखणि कु तिवार हमरि सांस्कृतिक परंपरा का दगड़ा-दगड़ि ब्यटुलों कु मान अर आपसी तालमेल की भावना तैं बि मजबूत करदु।
मुख्यमंत्रिन बोलिकि रखणि कु तिवार ब्यटुलों कु आदर अर सुरक्षा की भावना तैं बि मजबूत करदु। उन्न बोलिकि रखणि कु तिवार ब्यटुलों कु सम्मान कु तिवार बि च। उन्न बोलिकि महिला सशक्तिकरण कु हमरि कोसिस लगातार चलणि च। उन्न बोलिकि ब्यटुलों तैं मजबूत कैकि हि उत्तराखण्ड तैं समृद्ध बण्यें जै सकदु।
मुख्यमंत्रिन बोलिकि उत्तराखण्ड मा ब्यटुलों तैं स्वरूजगार, अर रूजगार का मौका देंण का दगड़ि सरकरी नौकरि मा 30 प्रतिशत क्षैतिज आरक्षण दिये ग्यायी। प्रदेसा ब्यटुला स्वयं सहायता समूह से जुड़िकै आत्मनिर्भरता की तरफा अगनै बढ़णि छन।
मुख्यमंत्रिन बोलिकि रखणि कु तिवार 28 अर 29 अगस्त खुणि प्रदेसा सबि ब्यटुलों का वास्ता उत्तराखण्ड परिवहन निगम की बस मा फ्री मा जातरा करणा कु सुविधा दिए ग्यायी।
मुख्यमंत्रिन प्रदेसा रैवासियों तैं ब्यटुलों कु सम्मान, सुरक्षा का वास्ता मिलिकैकि काम करणा की विनती कायी।