ग्रीन हाइड्रोजन नीति 2026 तैं मिलि मंजूरि
मुख्यमंत्री धामी क अध्यक्षताम मंत्रिमण्डला बैठक ह्वे। सचिवालय का आज सुबेर 11 बिजि मंत्रिमण्डला बैठक सुरु ह्वे।
मंत्रिमण्डळा बैठक मा 8 प्रस्तावु पर मोहर लगि। धामी मंत्रिमण्डल बैठक सुरू हूंण से पैलि महाराष्ट्र उपमुख्यमंत्री अजीत पवारा आत्मा शांति खुणि द्वी मिनट कु मौन धरे ग्यायी।
बैठक मा स्वास्थ्य परिवार कल्याण विभागा स्वास्थ्य कार्यकता अर स्वास्थ्य पर्यवेक्षक सेवा नियमावली 2026 तैं मंजूरि दिये ग्यायी। ऊधम सिंह नगर मा प्राम फॉर्म 135.14 एकड़ जमीन मा औद्योगिक आस्थान बणौंणा वास्ता सिडकुल तैं दियें जाणा कु शासनादेस मा संशोधन किये ग्यायी।
जनजाति कल्याण विभागा योजनौं तैं चलौंणा वास्ता अनुसूचित जनजाति जिला देरादूण, चमोली, उधम सिंह नगर अर पिथौरागढ़ मा विभागीय योजनौं तैं चलौंणा वास्ता खाली प्वड़या पदु पर जरुरतै हिसाब से विभागीय ढांचा तैं सै करणा वास्ता मंजूरि। उत्तराखण्ड जनजाति कल्याण राजपत्रित अधिकारी सेवा (संशोधन) नियमावली 2025 तैं मंजूरी।
प्रदेसा भलै का वास्ता हरित हाइड्रोजन उत्पादन तैं बढ़ावा देंणा वास्ता उत्तराखण्ड ग्रीन हाइड्रोजन नीति 2026 तैं मंजूरि। उत्तराखण्ड निजी विश्वविद्यालय अधिनियम 2024 मा संशोधन करे ग्यायी।
जीआडी उत्तराखण्ड नौं से एक विश्वविद्यालय ख्वलणा खुणि मंत्रिमंडलन मंजूरि दे द्यायी।
वखि गौचर, चिल्यालीसौड़ ह्वै पट्टी तैं भारतीय वायुसेना रक्षा मंत्रालय अर उत्तराखण्ड सरकारै बीच हूंयी बैठका अधार पर रक्षा मंत्रालय तैं देंणा वास्ता मंजूरि दिये ग्यायी।