नगर निगम देरादूण मा काम करणा कुछ आउटर्सोस कर्मचारियों तैं भैर करणा हूंणि त्यरि

नगर निगम देरादूणम मा आउटसोर्स बिटि काम करणा कर्मचारियों का वास्ता बड़ी खबर आणि च। खबर च कि नगर निगम मा काम करणा 56 आउटर्सोस कर्मचारियों तैं भैर करणा त्यरि च।

जाणकारी च की नगर निगम देरादूण मा अबि 363 आउटसोर्स कर्मचारी काम करणा छन। जैमा 140 सफै कर्मचारी, डाटा एंट्री ऑपरेटर, अर चतुर्थ श्रेणी का कर्मचारी छन। नगर निगम म छाळ-छाँट करणा बाद या बात समणि ऐ कि कर्मचारी नगर निगम मा बीना कामका तनखा लिंणा छन। त कुछ कर्मचारी हौरि जगों मा अपणि सेवा दिंणा छन।

बतै दियां की नगर निगम मा अनुबंधित कंपनी आरके एसोसिएट्स जरिया आउटसोर्स कर्मचारी तैं कम से कम 12 हजार से 20 हजार रुप्या तक हरेक मैना तनखा दियें जाणि च।

बत्यें जाणु च कि एक अप्सर का घार मा एक कर्मचारी, पैल्यक नगर आयुक्त क घार मा एक कर्मचारी, शहरी विकास निदेशालय मे सात कर्मचारी, राजनीतिक दलु का दप्तरू मा एक लोक निर्माण विभाग अनुभाग 12, भूमि अनुभाग बिटि आठ, रिकॉर्ड बिटि द्वी, प्यूल स्टोर बिटि तीन जोनल दप्तर बिटि पांच, विधि अनुभाग बिटि द्वी, स्वास्थ्य बिटि द्वी, कर अनुभाग बिटि चार, वर्कशॉप बिटि चार अर हौरि जगों बिटि 11 कर्मचारी तैं हटौंणा सूची बण्यें ग्यायी।

बतैं दिया कि या से पैलि बि नगर निगम मा 90 से जादा कर्मचारी तैं हटौंणा छ्वीं ह्वे छायीं पर राजनीतिक दबाव का कारण इन्नु नी ह्वे साकी।