नै सालम उत्तराखण्ड परिवहन निगम तैं मिलिन 100 से जादा नै बस

नै सालम उत्तराखण्ड परिवहन निगम तैं मिलिन 100 नै बस। मुख्यमंत्री धामिन आज क बसु तैं झण्डा दिखै।
ऐ मौका फर उन्न 10 एसी अर द्वी स्लीपर अनुबधित बसु तैं बिज जनता तैं दींन। ऐ मौका फर परिवहन निगम की स्मारिका ‘अनवरत’ अर सड़क सुरक्षा पर बण्यूं कैलेंडर कु बि विमोचन कायीं।

मुख्यमंत्रिन बोलिकि नै तकनीका की नै बस प्रदेसा परिवहन तंत्र तैं हौकि कटकुटु बणौंलु। जातरियों तैं सुरक्षित, सुविधा अर आरमदायक सुविधा मिललि या सं प्रदेस आर्थिक, सामाजिक अर पर्यटन तैं हौरि तेजी मिललि। उन्न बोलिकि उत्तराखण्डम खास कैकि पाड़म परिवहन बन्दुबस्त लोगु तैं सुविधा दिंणा दगड़ि विकासा वास्ता बि बौत जरूरी च।

मुख्यमंत्रिन बोलिकि सरकार परिवहन निगम तैं कटकुटु बणौंणा वास्ता खळाखळ काम करणि च। अबि तक 13 से जादा नै बस अड्डा अर कार्यशाला बणौंणा कु काम पूरु ह्वे ग्यायी अर 14 जगौं मा काम चलणु च। उन्न बोलि कि निगम मा इलेक्ट्रिक बसु तैं बि सामिल करे जालु।
मुख्यमंत्रिन बोलिकि सरकार परिवहन निगम तैं ‘सेवा कु जरिया’ मनदि, या तैं नै तकनीक, आत्मनिर्भर बणौंणा वास्ता हम प्रतिबद्ध छा। उन्न बोलि जवाबदेही क तागत पर सरकार खळाखळ अगनै बढ़णि च।