म्यळौं मा घर्या समान तैं मंच अर लोक संस्कृति दय्खण कु मौका मिलदु

मुख्यमंत्रिन धामिन पीपलकोटी चमोली मा चौबीसौं बंड विकास औद्यौगिक पर्यटन किसान अर सांस्कृतिक म्यळा मा भाग ल्यायी। ऐ मौका फर उन्न बोलिकि इन्ना म्यळा मा घर्या समान तैं मंच अर लोक संस्कृकि दय्खण खुणि मिलदि।

मुख्यमंत्रिन बोलिकि कि प्रदेस सरकार ज्वां स्मृति चिह्न अर भेंटा दींणि च, व वखका स्वयं सहायता समूह का ब्यटुळा बणौंणा छन। जै से गौं वलों की आर्थिक मदत हूंणि च। उन्न बोलि कि सरकार जन-जन की सरकार, जन-जन के द्वार कार्यक्रम जरिया हरेक न्याय पंचैत मा जैकि लोगुकि की दिक्कतु तैं ठीक करणि च। उन्न लोगु से विनती कायी कि एक कार्यक्रमा भाग लिया। उन्न वखक रैवायी, दुकानदार कर जिम्मदार अर म्यळा से जुड़या लोगु कु अभार बोलि। उन्न बोलिकि प्रधानमंत्री कु लोकल फॉर वोकल मेउ इन इंडिया अभियान तैं अगनै बढ़ौंणा वास्ता प्रदेस सरकार खळाखळ काम करणि च।

मुख्यमंत्रिन बोलिकि प्रदेसम विकास अर रूजगार तैं नै-नै मौका मिलणा छन। केदारनाथ अर बदरीनाथ मा मास्टर प्लाना जरिया काम हंूणा छन। रोपवे अर रेल परियोजना से पर्यटन तैं नै दिसा मिललि। उन्न बोलि कि एक जनपद द्वी उत्पाद, हाउस ऑफ हिमालयाज ब्रांड, स्टेट मिलेट मिशन अर होमस्टे योजना क जरिया घर्या समान अर पर्यटन तैं अगनै औंणा कु मौका मिलणु च। उन्न बोलिकि प्रदेसम अबि 800 से जादा होमस्टे चलणा छन अर उत्तराखण्ड तैं वेडिंग डेस्टिनेशन का रूप मा तेजी से अगनै बढ़णु च। सरकार अंत्योदय का सिद्धांत तैं आत्मसात कैकि प्रदेस आखिर कुणा मा रैंण वला मनखि तक सरकरि योजनौं कु फैदा दिंणि च अर देवभूति की विरासत अर संस्कृति की रक्षा करणि च। मुख्यमंत्रिन बोलि कि 10 हजार एकड़ से जादा भूमि पर बिटि कब्जा हटै द्यायी। प्रदेसम कटकुटु भू-कानून लागू कायी। प्रदेस सरकार उत्तराखण्ड तैं ज्ञान, शिक्षा संस्कृति अर विकास कु केन्द बणौंणा कु काम खळाखळ करणि च।

ऐ मौका फर मुख्यमंत्रिन सेमलडाला खेल मैदान कु विस्तारीकरण नंदा देवी राजजात जातरा मा पाणि अर हौरि सुविधा, ग्वालदम बिटि तपोवन लॉर्ड कर्जन मार्ग कु नौ नंदा-सुनंदा करणा की अर राजराजेश्वरी मंदिर कुरुड़ अर अनसूया देवी मंदिर मंडल मा जातरि विश्राम गृह बणौंणा की घोषणा कायी।